யாழில் இடம்பெற்ற விபத்தில் இருவர் காயமடைந்துள்ள சம்பவம் ஒன்று இடம் பெற்றுள்ளது.
யாழ், பலாலி வீதியில் கோண்டாவில் சந்தி பகுதியில் இன்று (16) காலை இவ் விபத்து இடம் பெற்றுள்ளதாக தெரிவிக்கப்பட்டுள்ளது.
அத்தோடு காயமடைந்த இருவரும் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளனர்.
இலங்கை போக்குவரத்துசபை பேருந்தும், காரும் மோதியே இவ் விபத்து ஏற்பட்டுள்ளதாக தெரிவிக்கப்பட்டுள்ளது.
இ.போ.ச கோண்டாவில் சாலையிலிருந்து யாழ்ப்பாணம் பேருந்து நிலையம் சென்று அங்கிருந்து பதுளைக்கு சேவையில் ஈடுபடவிருந்த பேருந்தும், இருபாலை பக்கமிருந்து கோண்டாவில் சந்திக்கு வந்த வைத்தியர் ஒருவரின் காரும் மோதியதாக தெரிய வந்துள்ளது.
பேருந்தால் மோதப்பட்ட கார் மோதி மோட்டார் சைக்கிளில் சென்ற ஒருவரின் கால் முறிந்ததாகவும் தெரிய வந்துள்ளது.
மேலும் காரை செலுத்தி வந்தவரும் காயமடைந்ததோடு இருவரும் யாழ் போதனா வைத்தியசாலையில் அனுமதிக்கப்பட்டதாக தெரிவிக்கப்பட்டுள்ளது.