சுவிட்சர்லாந்தில் 2022 ஜனவரி 1-ஆம் திகதி முதல் ஏராளமான மாற்றங்கள் நடைமுறைக்கு வரவுள்ளன. அவை இங்கு பட்டியலிடப்பட்டுள்ளன.
* ஜனவரி 1 முதல், குரோஷியாவின் குடிமக்கள் மற்ற EU/EFTA நாட்டினரின் அதே உரிமைகளின் கீழ் சுவிட்சர்லாந்தில் பணிபுரிய அனுமதிக்கப்படுவார்கள்.
* ஜனவரி 1-ஆம் திகதி நடைமுறைக்கு வரும் சிவில் கோட் (Civil Code) திருத்தமானது, மாற்று அடையாளத்தை உடையவர்கள், சிவில் நிலைப் பதிவேட்டில் மிகவும் எளிதாக, ஒரு எளிய அறிவிப்பின் மூலம் தகுந்த மாற்றங்களைச் செய்ய அனுமதிக்கும்.
* ஐ.நா.வின் விதிமுறை அமுலுக்கு வந்த பிறகு, ஜூலை 1 முதல் புதிய வகை பயணிகள் கார்கள் மற்றும் வேன்களுக்கு கருப்புப் பெட்டிகள் கட்டாயமாக்கப்படும்.
* ஊனமுற்றோர் காப்பீட்டு சீர்திருத்தம் ஜனவரி 1 முதல் அமலுக்கு வருகிறது. இந்த புதிய முறையின் கீழ், 40 முதல் 69 சதவீத ஊனமுற்ற பயனாளிகளுக்கு ஊனமுற்றோர் ஓய்வூதியம் ஒதுக்கப்படும்.
* ஜனவரி 1, 2022 நிலவரப்படி, கிளாவலிரெஸின் பெர்னீஸ் பகுதி (Bernese region of Clavaleyres) அண்டை நாடான ஃப்ரிபோர்க்குடன் (Fribourg) இணையும். சுவிஸ் இணைய பயனர்கள் சில சமயங்களில் சுவிட்சர்லாந்தில் ஒப்பிடக்கூடிய பொருட்களின் விலையை விட குறைவான பணத்திற்கு வெளிநாட்டில் பொருட்களை வாங்க முயற்சி செய்கிறார்கள். இருப்பினும், சில தளங்கள் (Swiss Sites ) தானாகவே வாடிக்கையாளர்களை சுவிஸ் தளத்திற்கு திருப்பி விடுகின்றன, அங்கு விலை அதிகமாக இருக்கும். இந்த நிலையில், வாடிக்கையாளர்களைத் தானாக சுவிஸ் பிளாட்ஃபார்மிற்கு திருப்பிவிடும் நடைமுறை, ஜனவரி 2022 முதல் பொறுத்துக்கொள்ளப்படாது.
* சுவிட்சர்லாந்தின் கோவிட் நடவடிக்கைகள் மற்றும் கோவிட் சான்றிதழ் அதிகாரப்பூர்வமாக ஜனவரி 24, 2022 அன்று காலாவதியாகும். இப்படியானால், முகக்கவசம் அணிவது போன்ற கட்டுப்பாடுகள் இல்லாத 2019-ஆம் ஆண்டின் பழைய காலத்திற்கு திரும்பும் என்று எதிர்பார்க்கலாம். ஆனால், சுவிட்சர்லாந்து முழுவதும் உள்ள கோவிட் சூழ்நிலையைப் பொறுத்தவரை, நடவடிக்கைகள் ஜனவரியைத் தாண்டியும் புதிய ஆண்டிலும் நீட்டிக்கப்படலாம்.
* பெட்ரோல் விலை இன்னும் 2022-ல் உயரும் என்று தெரிகிறது. தற்போது, தங்கள் வாகன டேங்கை நிரப்பும் ஒவ்வொருவரும் காலநிலை பாதுகாப்பு முயற்சிகளுக்காக லிட்டருக்கு 1.5 cents செலுத்துகின்றனர். வாகன ஓட்டிகளுக்கான மானியம் காலாவதியானதால், இது 2021-ஆம் ஆண்டின் இறுதியில் லிட்டருக்கு ஐந்து காசுகளாக அதிகரிக்கப்பட உள்ளது. டிசம்பரின் பிற்பகுதியில் அல்லது இது 2022 ஆம் ஆண்டின் தொடக்கத்தில் நடைமுறைக்கு வரும் எனத் தெரிகிறது.
* ஜனவரி 1 முதல், சுவிட்சர்லாந்தின் ஃபெடரல் உணவு பாதுகாப்பு மற்றும் கால்நடை அலுவலகம் (FSVO) மீன் மற்றும் Crustacean-ளை எவ்வாறு கொல்லலாம் என்பது குறித்த புதிய விதிகளை அறிமுகப்படுத்துகிறது. கோழிகள் மற்றும் வான்கோழிகளை வணிக ரீதியாக படுகொலை செய்வது தொடர்பான விலங்கு நலச் சட்டங்களின் விரிவாக்கமும் இருக்கும்.
* ஜூலை 1, 2022 அன்று சுவிட்சர்லாந்தில் ஒரே பாலின ஜோடிகள் திருமணம் செய்துகொள்ள அனுமதிக்கப்படும்.
* ஜனவரி 2022 முதல், பாஸ்தா மற்றும் பாண் போன்ற Gluten பொருட்களை சாப்பிட முடியாத குழந்தைகளுக்கு (செலியாக் நோயால் பாதிக்கப்பட்ட குழந்தைகளைக் கொண்ட குடும்பங்களுக்கு) வழங்கப்படும் மானியத்தை சுவிட்சர்லாந்து அகற்றும்.
* 2022-ஆம் ஆண்டில் வீடுகளுக்கு மின்சாரச் செலவு சற்று அதிகரிக்கும் என்று மத்திய மின்சார ஆணையம் ElCom தெரிவித்துள்ளது.